Spánn: Joao Felix sá um gömlu félagana

Joao Felix fagnaði með því að hoppa upp á auglýsingaskilti

Mynd: EPA

Joao Felix fagnaði með því að hoppa upp á auglýsingaskilti

Mynd: EPA

Portúgalski sóknartengiliðurinn Joao Felix skoraði sigurmark Barcelona í 1-0 sigrinum á Atlético Madríd í La Liga á Spáni í kvöld, en það var skrifað í skýin að hann yrði hetja Börsunga í þessum leik.

Felix er á láni hjá Barcelona frá Atlético Madríd, en Börsungar eiga möguleika á því að gera skiptin varanleg á meðan lánstíma stendur.

Portúgalinn hefur fundið sig í treyju Barcelona og verið með allra bestu mönnum á þessari leiktíð en hann hélt áfram að standa sig með því að skora sigurmarkið gegn gömlu félögunum.

Raphinha lagði boltann á Felix, sem slapp inn fyrir og lyfti síðan boltanum yfir Jan Oblak í markinu. Það er ljóst að Felix er ekkert að plana það að snúa aftur eftir lánsdvölina, því hann steig upp á auglýsingaskilti og fagnaði. Forseti Atlético sagði fyrir leikinn að hann væri að vonast til að Felix myndi ekki fagna, en Portúgalinn hefur ekki kippt sér upp við þau ummæli.

Barcelona er í 3. sæti með 34 stig, fjórum stigum á eftir Real Madrid og GIrona, en Atlético áfram í 4. sæti með 31 stig.

Úrslit og markaskorarar:

Almeria 0 - 0 Betis
Rautt spjald: Hector Bellerin, Betis ('27)

Sevilla 1 - 1 Villarreal
1-0 Kike Salas ('75 )
1-1 Jose Luis Morales ('77 )

Barcelona 1 - 0 Atletico Madrid
1-0 Joao Felix ('28 )

Mallorca 0 - 0 Alaves

Stöðutafla

#	Lið	L	mun	Stig
1	Barcelona	5	+17	15
2	Real Madrid	6	+11	15
3	Betis	5	+1	12
4	Alaves	6	+5	10
5	Atletico Madrid	5	+4	10
6	Sevilla	5	+2	10
7	Deportivo	5	+3	9
8	Espanyol	6	+2	7
9	Athletic	5	+1	7
10	Racing Santander	5	0	7
11	Osasuna	5	-3	7
12	Real Sociedad	6	-5	7
13	Vallecano	6	-5	7
14	Levante	5	-2	5
15	Getafe	5	-3	5
16	Celta	6	-3	4
17	Valencia	6	-8	4
18	Malaga	5	-6	3
19	Villarreal	5	-3	2
20	Elche	6	-8	2