Leeds 1 - 1 Manchester Utd
1-0 Brenden Aaronson ('62 )
1-1 Matheus Cunha ('65 )
1-0 Brenden Aaronson ('62 )
1-1 Matheus Cunha ('65 )
Leeds fékk Man Utd í heimsókn í erkifjendaslag í úrvalsdeildinni í dag. Leeds hefur verið á góðu skriði undanfarið en liðið hefur m.a. unnið Chelsea og gert tvö jafntefli gegn Liverpool í síðustu sex leikjum.
Man Utd var fyrst til að koma boltanum í netið. Það gerði Matheus Cunha snemma leiks en markið var dæmt af vegna rangstöðu.
Leeds fékk tækifæri eftir rúmlega hálftíma leik en Dominic Calvert-Lewin skallaði í stöngina. Stuttu síðar stýrði Leny Yoro boltanum að marki eftir hornspyrnu en Lucas Perri var vel á verði.
Leeds náði forystunni eftir klukkutíma leik. Pascal Struijk átti sendingu inn fyrir vörn Man Utd. Ayden Heaven var full rólegur og Brenden Aaronson komst fyrst í boltann. Hann komst í gegn og skoraði örugglega.
Tæpum þremur mínútum síðar jafnaði Matheus Cunha metin eftir undirbúning Joshua Zirkzee en sá síðarnefndi var nýkominn inn á sem varamaður.
Joel Piroe var hársbreidd frá því að koma Leeds aftur yfir undir lokin en skotið fór ofan á þaknetið.
Fleiri mörk urðu ekki skoruð og jafntefli niðurstaðan. Leeds hefur spilað sjö leiki í röð án þess að tapa en liðið er í 16. sæti með 22 stig. Man Utd er í 5. sæti með 31 stig.
Athugasemdir
