Heimild: RÚV
Í gærkvöldi fór fram árleg verðlaunaafhending fyrir íþróttamann ársins og var nokkuð af fótboltafólki sem átti möguleika á að hreppa verðlaun.
Lyftingakonan Eygló Fanndal Sturludóttir var valin sem íþróttamaður ársins og var Glódís Perla Viggósdóttir hæst íslensks fótboltafólks í kjörinu.
23.12.2025 06:00
Glódís og Hákon á topp tíu listanum yfir íþróttamenn ársins
Glódís endar í 5. sæti í valinu með 142 stig. Hún er tæpum 400 stigum á eftir Eygló sem rúllaði upp atkvæðagreiðslunni ásamt handboltamanninum Gísla Þorgeiri Kristjánssyni.
Hákon Arnar endar í 6. sæti með 115 stig og er Cecilía Rán Rúnarsdóttir næst fótboltafólks á lista, í 13. sæti með 38 stig. Hún fékk þremur stigum meira heldur en Albert Guðmundsson.
Jóhann Berg Guðmundsson fékk einnig 2 stig í kjörinu og var í 22.-24. sæti yfir besta íþróttafólk ársins.
Þegar bestu þjálfarar ársins eru skoðaðir er Heimir Hallgrímsson, landsliðsþjálfari Írlands, í þriðja sæti með 38 stig. Hann er nokkuð langt á eftir Ágústi Þóri Jóhannssyni sem var kosinn besti þjálfari ársins með 97 stig.
Freyr Alexandersson er í fimmta sæti með 15 stig og Sölvi Geir Ottesen er í níunda sæti með 3 stig.
Að lokum voru veitt verðlaun fyrir lið ársins og endaði kvennalið Breiðabliks í öðru sæti, nokkuð langt á eftir kvennaliði Vals í handbolta sem vann EHF mótið. EHF mótið er á samsvarandi gæðastigi og Sambandsdeild Evrópu í evrópska fótboltaheiminum.
Blikar fengu 64 stig í öðru sætinu og endar karlalið Víkings R. með 3 stig í kjörinu á besta liði ársins. Valur hlaut 123 stig í toppsætinu.
Samtök íþróttafréttamanna standa fyrir valinu og tóku allir 30 félagar samtakanna þátt í atkvæðagreiðslunni.
Nánar á vefsíðu RÚV.
Athugasemdir
