Mynd: EPA

Mynd: EPA

Nýliðar Monza hafa verið að gera fína hluti í efstu deild og báru þeir sigur úr býtum gegn Empoli í fyrri leik dagsins þar sem Patrick Ciurria skoraði eina mark fyrri hálfleiksins.

Empoli jafnaði í upphafi síðari hálfleiks og tók öll völd á vellinum en heimamönnum í Monza tókst að hanga á jafnteflinu og stela svo sigrinum með skallamarki eftir hornspyrnu. Empoli sótti án afláts en varnarleikur Monza hélt gríðarlega vel og stóð Michele Di Gregorio sig vel á milli stanganna þegar hans var þarfnast.

Lokatölur urðu 2-1 og eru bæði lið um miðja deild. Monza er með 32 stig eftir 25 umferðir, fjórum stigum fyrir ofan Empoli sem siglir einnig lygnan sjó - heilum ellefu stigum fyrir ofan fallsvæðið.

Atalanta og Udinese gerðu þá markalaust jafntefli í Bergamó þrátt fyrir yfirburði heimamanna. Marco Silvestri átti nokkrar góðar markvörslur til að bjarga gestunum frá Údíne.

Atalanta er í sjötta sæti eftir jafnteflið - fimm stigum frá Meistaradeildarsæti. Udinese er um miðja deild, tíu stigum eftir Atalanta.

Monza 2 - 1 Empoli
1-0 Patrick Ciurria ('19)
1-1 Martin Satriano ('51)
2-1 Armando Izzo ('67)

Atalanta 0 - 0 Udinese