Unai Emery svaraði spurningum á fréttamannafundi í gær fyrir mikilvægan leik Aston Villa á útivelli gegn Bournemouth sem fer fram í dag.
Bournemouth og Villa eigast við í hörðum Evrópubaráttuslag, þar sem bæði lið eru enn í harðri baráttu þó að sjö stig skilji þau að.
„Markmiðið okkar er að komast aftur í Evrópukeppni, hvort sem það verður Meistaradeildin, Evrópudeildin eða Sambandsdeildin," sagði Emery í gær.
„Auðvitað er best að spila í Meistaradeildinni en það eina sem við getum gert er að reyna að vinna okkar leiki án þess að hugsa um hvað önnur lið eru að gera. Þetta er ekki í okkar höndum, það eina sem við getum gert er að leggja okkur alla fram til að sigra okkar leiki og halda þannig pressu á andstæðingunum."
Aston Villa er aðeins þremur stigum frá sæti í Meistaradeild Evrópu þegar þrjár umferðir eru eftir af deildartímabilinu.
Youri Tielemans og Marcus Rashford verða ekki með hópnum gegn Bournemouth í dag.
„Tielemans er meiddur og verður ekki með. Þetta er ekki alvarlegt og við vonumst til að fá hann aftur í hópinn fyrir næstu umferð."
Rashford hefur verið að glíma við meiðsli og segist Emery ekki vita hvort kantmaðurinn muni ná sér aftur fyrir lok tímabilsins. Hann verður í það minnsta ekki með gegn Bournemouth.
Rashford er búinn að missa af síðustu tveimur leikjum Aston Villa, tapi gegn Crystal Palace í undanúrslitum FA bikarsins og sigri gegn Fulham í úrvalsdeildinni.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 35 | 25 | 7 | 3 | 81 | 35 | +46 | 82 |
| 2 | Arsenal | 35 | 18 | 13 | 4 | 64 | 31 | +33 | 67 |
| 3 | Man City | 35 | 19 | 7 | 9 | 67 | 43 | +24 | 64 |
| 4 | Newcastle | 35 | 19 | 6 | 10 | 66 | 45 | +21 | 63 |
| 5 | Chelsea | 35 | 18 | 9 | 8 | 62 | 41 | +21 | 63 |
| 6 | Nott. Forest | 35 | 18 | 7 | 10 | 54 | 42 | +12 | 61 |
| 7 | Aston Villa | 35 | 17 | 9 | 9 | 55 | 49 | +6 | 60 |
| 8 | Bournemouth | 35 | 14 | 11 | 10 | 55 | 42 | +13 | 53 |
| 9 | Brentford | 35 | 15 | 7 | 13 | 62 | 53 | +9 | 52 |
| 10 | Brighton | 35 | 13 | 13 | 9 | 57 | 56 | +1 | 52 |
| 11 | Fulham | 35 | 14 | 9 | 12 | 50 | 47 | +3 | 51 |
| 12 | Crystal Palace | 35 | 11 | 13 | 11 | 44 | 48 | -4 | 46 |
| 13 | Wolves | 35 | 12 | 5 | 18 | 51 | 62 | -11 | 41 |
| 14 | Everton | 35 | 8 | 15 | 12 | 36 | 43 | -7 | 39 |
| 15 | Man Utd | 35 | 10 | 9 | 16 | 42 | 51 | -9 | 39 |
| 16 | Tottenham | 35 | 11 | 5 | 19 | 63 | 57 | +6 | 38 |
| 17 | West Ham | 35 | 9 | 10 | 16 | 40 | 59 | -19 | 37 |
| 18 | Ipswich Town | 35 | 4 | 10 | 21 | 35 | 76 | -41 | 22 |
| 19 | Leicester | 35 | 5 | 6 | 24 | 29 | 76 | -47 | 21 |
| 20 | Southampton | 35 | 2 | 5 | 28 | 25 | 82 | -57 | 11 |
Athugasemdir
