Eiður Atli lék á láni með ÍBV í fyrra. Hann fullkomnar endurkomuna hjá HK í kvöld.
Nær Gunnlaugur Fannar að búa til einhverja stemningu í kvöld?
Lengjudeildin er farin á flug og fer 2. umferðin fram í dag og á morgun. Fjórir leikir fara fram í dag og tveir á morgun. Til þess að spá í umferðina fengum við Bjarka Björn Gunnarsson sem hjálpaði ÍBV að vinna deildina á síðasta tímabili.
Bjarki Björn fylgir á eftir Júlíusi Mar Júlíussyni sem var með fjóra leiki rétta þegar hann spáði í fyrstu umferðina.
Svona spáir Bjarki Björn leikjunum:
Bjarki Björn fylgir á eftir Júlíusi Mar Júlíussyni sem var með fjóra leiki rétta þegar hann spáði í fyrstu umferðina.
Svona spáir Bjarki Björn leikjunum:
Leiknir 3 - 1 Þór (í kvöld, 18:00)
Leiknismenn misst nokkra öfluga fyrir mót en nýju mennirnir stíga upp, þar sem Axel Freyr setur eitt og Þórsararnir ráða ekkert við Hammerinn sem klára þetta áður en Þórsarar klóra í bakkann undir lokin.
HK 3-2 ÍR (í kvöld, 19:15)
Leikur umferðarinnar og alvöru hiti í kórnum. ÍR byrjar vel og kemst yfir með mörkum frá Arnóri Sölva og Hákoni. Hárblásari frá Hemma í hálfleik og HK-ingarnir mæta trylltir út í seinni þar sem Aukaspyrnu Ívar setur eitt af 25m og teiknar svo einn bolta á hausinn á Hauki. Eiður Atli reynist svo hetjan í blálokin áður en hann lætur henda sér í sturtu. Svokallað remontada í Kórnum í kvöld.
Keflavík 2 - 1 Þróttur (í kvöld, 19:15)
Keflvíkingarnir erfiðir heim að sækja á grasið. Verður þægilegt 2-0 áður en Gunnlaugur Fannar brýtur af sér inni í teig og Þróttarar minnka muninn en nær komast þeir ekki.
Fylkir 3-0 Selfoss (í kvöld, 19:30)
Fylkismenn sakna Halldórs Jóns Sigurðar Þórðarsonar en það verður Húbbabúbba útgáfupartý í Lautinni þrátt fyrir sterka byrjun Selfyssinga í fyrsta leik.
Njarðvík 2-0 Völsungur (laugardag, 16:00)
Heimavöllurinn sterkur í þessari umferð og Njarðvíkingar númeri of stórir fyrir Völlarana. Davíð Helgi með langa bolta á Diouck sem klára vel og Viggó Valgeirs lokar þessum leik með einu frá miðju.
Grindavík 0-0 Fjölnir (laugardag, 16:00)
Stórt fyrir Grindvíkinga að vera mættir heim en bæði lið sátt með sitt fyrsta stig í bragðdaufum leik eftir svekkjandi töp í fyrstu umferð.
Fyrri spámenn:
Júlís Mar (4 réttir)
Lengjudeild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Þór | 2 | 1 | 1 | 0 | 5 - 2 | +3 | 4 |
| 2. Fylkir | 2 | 1 | 1 | 0 | 3 - 1 | +2 | 4 |
| 3. ÍR | 2 | 1 | 1 | 0 | 2 - 1 | +1 | 4 |
| 4. Þróttur R. | 2 | 1 | 1 | 0 | 2 - 1 | +1 | 4 |
| 5. Keflavík | 2 | 1 | 0 | 1 | 3 - 2 | +1 | 3 |
| 6. Selfoss | 2 | 1 | 0 | 1 | 2 - 3 | -1 | 3 |
| 7. HK | 2 | 0 | 2 | 0 | 2 - 2 | 0 | 2 |
| 8. Njarðvík | 1 | 0 | 1 | 0 | 1 - 1 | 0 | 1 |
| 9. Leiknir R. | 2 | 0 | 1 | 1 | 2 - 5 | -3 | 1 |
| 10. Grindavík | 1 | 0 | 0 | 1 | 1 - 2 | -1 | 0 |
| 11. Völsungur | 1 | 0 | 0 | 1 | 0 - 1 | -1 | 0 |
| 12. Fjölnir | 1 | 0 | 0 | 1 | 1 - 3 | -2 | 0 |
Athugasemdir
