Þegar Valencia spilaði 18. deildarleik sinn á tímabilinu og þann síðasta árið 2024.

Ruben Baraja var rekinn í desember og tók Carlos Corberan við keflinu, en koma hans breytti öllu.

Valencia hefur sótt 33 stig eftir áramót og ekki tapað í síðustu tíu leikjum. Liðið náði í enn einn sigurinn með því að vinna Getafe 3-0 á heimavelli.

Pepelu skoraði úr víti á 8. mínútu og bætti Diego Lopez við öðru tíu mínútum síðar. Hugo Duro gerði þriðja markið úr öðru víti Valencia fyrir hálfleik.

Sú ótrúlega staða er nú komin upp að Valencia á góðan möguleika á að komast í Evrópukeppni, eitthvað sem enginn gat séð fyrir um áramótin.

Valencia er í 9. sæti með 45 stig, tveimur stigum frá Evrópusæti þegar þrjár umferðir eru eftir á meðan Getafe er í 14. sæti með 39 stig.

Celta Vigo vann öflugan 3-2 sigur á Sevilla í Evrópubaráttuleik. Ilaix Moriba skoraði á 19. mínútu en það kom Vigo-mönnum í erfiða stöðu er Marcos Alonso var rekinn af velli fyrir að handleika boltann í teignum er Peque var við það að jafna metin fyrir Sevilla.

Kom í veg fyrir mark en fékk um leið á sig víti sem Nemanja Gudelj skoraði úr.

Manni færri tókst Celta samt sem áður að komast aftur í forystu er Oscar Mingueza eftir fyrirgjöf Fran Beltran og þá gerði Borja Iglesias tíunda deildarmark seint í leiknum áður en Kike Salas minnkaði muninn niður í eitt mark á lokamínútunum.

Celta Vigo er í 7. sæti með 49 stig en Sevilla í 16. sæti með 38 stig.

Celta 3 - 2 Sevilla
1-0 Ilaix Moriba ('19 )
1-1 Nemanja Gudelj ('45 , víti)
2-1 Oscar Mingueza ('65 )
3-1 Borja Iglesias ('90 )
3-2 Kike Salas ('90 )
Rautt spjald: Marcos Alonso, Celta ('45)

Valencia 3 - 0 Getafe
1-0 Pepelu ('8 , víti)
2-0 Diego Lopez Noguerol ('18 )
3-0 Hugo Duro ('37 , víti)