Ekkert hafi breyst eftir komu Ratcliffe - „Ruglingslegt og ósannfærandi“

„Þegar Inoes og Jim Ratcliffe komu inn fyrir tveimur árum var talað um að bæta ákvarðanatökurnar sem höfðu verið ruglingslega og gallaðar. En frá mínum bæjardyrum séð hafa þær bara haldið áfram," segir Kay.

„Þetta hefur verið áframhald á því sama. Viðbrögðin hafa verið sein, ráðningar hafa verið gerðar án þess að þeir virðast vita hvað þeir eru að gera. Þetta hefur verið ruglingslegt og ósannfærandi."

Ummæli Amorim við fjölmiðla í gær vöktu mikla athygli en þar sendi hann stjórninni pillu og sagði að afskipti hennar af liðinu væru of mikil. Í morgun var svo tilkynnt að portúgalski stjórinn hefði verið rekinn.

Manchester United er í sjötta sæti deildarinnar eftir að hafa endað sögulega lágt á síðasta tímabili, eða í fimmtánda sæti. Í yfirlýsingu Manchester United er sagt að þetta sé rétti tímapunkturinn fyrir breytingar.