Haukar eru aðeins með tvö stig í 1. deildinni en liðið tapaði í kvöld fyrir Leikni 2-0. Við ræddum við Sigurbjörn Hreiðarsson þjálfara eftir leikinn.
Lestu um leikinn: Leiknir R. 2 - 0 Haukar
„Spilalega vorum við ekki spes en baráttan og slíkt var til fyrirmyndar lengst af. Þetta var bara barátta og læti, völlurinn býður ekki upp á annað. Við vorum full aftarlega á köflum en fyrir fyrra markið þeirra þá vorum við með tökin á leiknum," sagði Sigurbjörn.
Hilmar Árni Halldórsson kom Leikni yfir með stórglæsilegu marki.
„Þetta var gott mark hjá Hilmari. Við vorum búnir að tala um það að hann ætti ekki að fara þarna inn og skjóta markið, hann getur það. Hann gerði það frábærlega og við komumst ekkert í takt við leikinn eftir það."
„Við erum bara með tvö stig og það er eitthvað sem við ætluðum ekki að byrja á. En það er staðreynd og við þurfum að rífa okkur í gang. Við verðum að fara að ná inn sigri. Það er vont að vera lengi án sigurs en það er stutt í næsta leik,"
Viðtalið má sjá í heild í sjónvarpinu hér að ofan.
