Howe hefur ekki áhuga á að taka við Man Utd á þessum tímapunkti

Eddie Howe, stjóri Newcastle.

Mynd: EPA

Eddie Howe, stjóri Newcastle.

Mynd: EPA

Eddie Howe, stjóri Newcastle, segist virkilega ánægður í starfinu og að hann hafi ekki áhuga á því að taka við Manchester United á þessum tímapunkti.

Rúben Amorim var rekinn frá Man United í gær og margir eru á þeirri skoðun að Howe yrði fullkominn kostur fyrir Rauðu djöflana.

Howe var spurður að því hvort eitthvað gæti lokkað hann frá St James' Park?

„Nei, ekkert eins og staðan er í dag. Mikilvægast fyrir mig er að vera ánægður í starfi, ánægður með hlutverk mitt og vera í sterkum tengslum við fólkið í kringum. Hlutirnir geta breyst hjá hvaða félagi sem er en sem stendur er ég virkilega ánægður," segir Howe.

Newcastle er í níunda sæti í ensku úrvalsdeildinni, en aðeins tveimur stigum frá fimmta sæti. Liðið er komið í undanúrslit deildabikarsins og er á leið með að tryggja sér sæti í 16-liða úrslitum Meistaradeildar Evrópu.

„Til að félag njóti velgengni þarf að vera eining frá toppi til botns. Það verður að vera góð tenging milli allra. Ég hef átt frábært samband með stjórninni hér og það hefur ekkert breyst."

Stöðutafla

#	Lið	L	mun	Stig
1	Arsenal	0	0	0
2	Aston Villa	0	0	0
3	Bournemouth	0	0	0
4	Brentford	0	0	0
5	Brighton	0	0	0
6	Chelsea	0	0	0
7	Coventry	0	0	0
8	Crystal Palace	0	0	0
9	Everton	0	0	0
10	Fulham	0	0	0
11	Hull City	0	0	0
12	Ipswich Town	0	0	0
13	Leeds	0	0	0
14	Liverpool	0	0	0
15	Manchester City	0	0	0
16	Manchester Utd	0	0	0
17	Newcastle	0	0	0
18	Nott. Forest	0	0	0
18	West Ham	38	-19	39
19	Burnley	38	-37	22
19	Sunderland	0	0	0
20	Wolves	38	-41	20
20	Tottenham	0	0	0