„Byrjum á pælingum um markvörðinn," segir Tómas Þór Þórðarson. „Fyrir löngu síðan var ákveðið að Rúnar Alex Rúnarsson væri markvörður númer tvö hjá landsliðinu. Hann er varamarkvörður í Frakklandi en á sama tíma breytist Ögmundur Kristinsson í topp 3 besta markmann í grísku deildinni og er keyptur til stærsta liðsins."

„Ég skil Ögmund peningalega og það er gaman að vera í Olympiakos. En hann veit að Hannes er kannski á síðustu metrunum og er á þeim stað að hann sé byrjunarliðsmaður en tekur færslu í að vera varamarkvörður."

„Það er spurning hvort þeir spili Rúnari því hann er yngri og á meira eftir," segir Tómas en hann og Magnús Már Einarsson giska báðir á að Rúnar Alex verði í markinu gegn Belgum.

Breytt varnarlína
Miklar breytinga verða á varnarlínunni og þó Jón Guðni Fjóluson sé án félags sem stendur spáir Innkastið því að hann muni byrja í hjarta varnarinnar á þriðjudaginn.

„Jón Guðni er í miklum metum hjá þjálfurunum og ég held að það sé klárt að hann muni spila, Ari er tæpur og Hörður Björgvin getur spilað hafsent. Ég tel samt líklegast að Hólmar (Örn Eyjólfsson) spili í miðverðinum," segir Magnús.

Hægt er að hlusta á vangavelturnar í Innkastinu en þar er einnig talað um að búast megi við einhverjum breytingum framar á vellinum einnig.