07.02.23 - 05:55
Ívan Guðjón Baldursson
Ítalía í dag - Juve kíkir til Salerno
Mynd: EPA
Mynd: EPA
Síðasti leikur 21. umferðar ítalska deildartímabilsins fer fram í kvöld þegar Salernitana tekur á móti Juventus.
Ástandið hjá Juventus er ekki gott eftir að upp komst um alvarleg lagabrot stjórnenda félagsins. Búið er að draga 15 stig af Juve en málið er enn í ferli og gæti endað talsvert verr fyrir stórveldið.
Juve gæti verið dæmt niður um deild í annað sinn á þessari öld ef allt fer á versta veg fyrir félagið.
Juve er um miðja deild eftir að hafa hlotið fyrsta part refsingarinnar, með 23 stig úr 20 umferðum. Salernitana er með 21 stig og er sjö stigum frá fallsvæðinu.
Leikur kvöldsins:
19:45 Salernitana - Juventus (Stöð 2 Sport 4)
