Byrjunarlið Vestra og ÍA: Haukur Andri í byrjunarliði Skagamanna

Vestri gerir fjórar breytingar á byrjunarliðinu frá síðasta leik, 0-2 tapi gegn FH. Vladimir Tufegdzic, Silas Songani, Guðmundur Arnar Svavarsson og Gunnar Jónas Hauksson koma inn í liðið.

Elvar Baldvinsson sest á bekkinn, Tarik Ibrahimagic er farinn í Víking, Ibrahima Balde í banni og Andri Rúnar Bjarnason er ekki í hópnum vegna meiðsla.

ÍA gerir þrjár breytingar, frá tapi gegn Stjörnunni. Árni Salvar Heimisson, Arnleifur Hjörleifsson og Haukur Andri Haraldsson koma inn en hinn átján ára gamli Haukur er kominn á láni frá Lille.

Johannes Vall og Jón Gísli Eyland eru í leikbanni hjá ÍA. Guðfinnur Þór Leósson fær sér sæti á varamannabekknum.