Eins og kvikmyndahandrit - Semenyo flaug til Manchester í einkaþotu

„Það er ekki hægt að kveðja með betri hætti," segir Marcus Tavernier um liðsfélaga sinn hjá Bournemouth, Antoine Semenyo.

Semenyo er lentur í Manchester en hann flaug á einkaþotu og er á leið í læknisskoðun hjá Manchester City í dag. City nýtti sér 65 milljóna punda riftunarákvæði í samningi leikmannsins.

Semenyo kvaddi með stæl þegar hann skoraði sigurmarkið með frábæru skoti í 3-2 sigri Bournemouth gegn Tottenham í gær.

„Þetta var enins og eitthvað sem er skrifað í bíómyndir. Það er enginn sem á þetta meira skilið en hann," segir Tavernier.