Axel Óskar Andrésson er genginn í raðir KR.
KR staðfesti nú rétt í þessu að Axel Óskar Andrésson sé genginn í raðir félagsins. Hann gerir þriggja ára samning við félagið og kemur frá Örebro í Svíþjóð.
Axel Óskar er 26 ára gamall Mosfellingur sem steig sín fyrstu skref með Aftureldingu. Hann spilaði átta leiki í 2. deildinni 2014 áður en hann var seldur til Reading á Englandi.
Á fimm árum hans hjá Reading fór hann þrisvar á lán til Bath City, Torquay United og síðan Viking í Noregi, en hann fékk varanleg félagaskipti til Noregs eftir gott tímabil þar.
EInnig hefur hann spilað fyrir Riga í Lettlandi og nú síðast Örebro í sænsku B-deildinni, en hann rifti samningi sínum á dögunum og því frjálst að semja við önnur félög.
KR-ingar hafa verið duglegir við að styrkja hópinn á undirbúningstímabilinu. Alex Þór Hauksson, Aron Sigurðarson, og Hrafn Guðmundsson komu allir til félagsins eftir áramót sem og markmennirnir Guy Smit og Sam Blair.
Axel Óskar Andrésson hefur gert 3 ára samning við KR.
— KR Reykjavik FC (@KRreykjavik) March 8, 2024
Axel er miðvörður og alinn upp í Aftureldingu. Axel hélt ungur út í atvinnumennsku, fyrst í Reading og í sumar spilaði Axel með Örebro í Svíþjóð. Vertu velkominn Axel, við hlökkum til að sjá þig í KR treyjunni í sumar. pic.twitter.com/UUqonwvmhk
Athugasemdir
