Harpa Þorsteinsdóttir skoraði tvö.
Harpa Þorsteinsdóttir, framherji Stjörnunnar, var að vonum ánægð eftir að liðið varð meistari meistaranna með 4-1 sigri gegn Breiðabliki í Garðabænum í kvöld.
Harpa skoraði tvö mörk og lagði upp eitt í þessum góða sigri Íslands- og bikarmeistaranna, en Stjarnan lagði Blika einnig á dögunum í úrslitaleik Lengjubikarsins.
Harpa skoraði tvö mörk og lagði upp eitt í þessum góða sigri Íslands- og bikarmeistaranna, en Stjarnan lagði Blika einnig á dögunum í úrslitaleik Lengjubikarsins.
„Ég er bara mjög ánægð með þetta. Það er alltaf erfitt að spila við sama liðið á viku. Þó við höfum unnið þær 3-0 síðast vissum við að þetta yrði allt annar leikur og mjög erfiður, þannig að við erum mjög ánægðar með að hafa náð að klára okkar færi í dag," sagði Harpa við Fótbolta.net eftir sigurinn.
Harpa raðaði inn mörkum á síðustu leiktíð og það var ekki að sjá að hún sé að fara að gera minna af því í sumar.
„Þetta var fínt. Ég er búin að vera í miklu ströggli í vetur og ekki búin að vera að spila vel, búin að vera í meiðslum og svona. Þannig að ég er ótrúlega ánægð með að komast í gang fyrir mót, ég á að skila inn í þetta lið" sagði Harpa.
Athugasemdir
