Höttur/Huginn byrjar á sigri.
Fjórir leikir voru að klárast í fyrstu umferð 3. deildarinnar en fyrr í dag vann Dalvík/Reynir góðan sigur á Víði frá Garði í opnunarleiknum.
Á Kópavogsvellinum áttust við Augnablik og ÍH. ÍH er nýliði í deildinni og leikurinn í dag hófst illa fyrir liðið.
Hrannar Bogi Jónsson kom Augnablik yfir og á 32. mínútu fékk Hrafnkell Freyr Ágústsson, leikmaður ÍH og fyrrverandi leikmaður Augnabliks, beint rautt spjald.
Augnablik nýtti sér liðsmuninn og bætti við tveimur mörkum en þau gerði Arnar Laufdal Arnarsson.
Pablo Carrascosa Garcia tryggð þá Hött/Huginn sigur á Sindra og KFS lagði Einherja að velli í Vestmannaeyjum. Þá vann Ægir góðan útisigur á Elliða. Leiknum lauk með 1-2 sigri gestanna.
Elliði 1-2 Ægir
1-0 Cristofer Rolin
1-1 Nikulás Ingi Björnsson
1-2 Lazar Cordasic
Augnablik 3-0 ÍH
1-0 Hrannar Bogi Jónsson
2-0 Arnar Laufdal Arnarsson
3-0 Arnar Laufdal Arnarsson
Höttur/Huginn 1-0 Sindri
1-0 Pablo Carrascosa Garcia
KFS 2-1 Einherji
1-0 Róbert Aron Eysteinsson
2-0 Arnar Breki Gunnarsson
2-1 Heiðar Aðalbjörnsson
Ekki heimkoman sem fólk bjóst við. @hrafnkellfreyr rekinn í sturtu eftir 32 mín gegn @Augnablikid pic.twitter.com/e6P5aOtNj5
— Hörður S Jónsson (@hoddi23) May 8, 2021
Athugasemdir
