Þýsku meistararnir í Bayern Munchen eru að fá Raphael Guerreiro í sínar raðir á frjálsri sölu frá keppinautunum í Dortmund. Liðin háðu harða baráttu um titilinn núna í vor en Bayern stóp uppi sem meistari eftir dramatíska lokaumferð.
Bayern gæti misst Benjamin Pavard og Lucas Hernandez í sumar og Thomas Tuchel vill vera öruggur með að hafa næga kosti varnarlega. Því er portúgalski varnarmaðurinn á leið til félagsins.
Bayern gæti misst Benjamin Pavard og Lucas Hernandez í sumar og Thomas Tuchel vill vera öruggur með að hafa næga kosti varnarlega. Því er portúgalski varnarmaðurinn á leið til félagsins.
Fabrizio Romano hefur greint frá því að munnlegt samkomulag sé í höfn og að Guerreiro muni skrifa undir þriggja ára samning.
Atletico Madrid og Inter Milan hafa einnig sýnt Portúgalanum áhuga en ekki er fjallað um samningstilboð frá þeim liðum.
Guerreiro er í portúgalska landsliðshópnum fyrir komandi leiki og er því væntanlegur til Íslands eftir rúma viku. Hann er fjölhæfur, getur bæði spilað á miðjunni og í vinstri bakverði og hefur verið hjá Dortmund í sjö ár. Hann varð Evrópumeistari með landsliðinu árið 2016 og var í mars valinn besti leikmaður mánaðarins í Bundesliga.
Athugasemdir
