Það voru hreint út sagt ótrúleg úrslit í úrvalsdeild kvenna á Englandi þennan sunnudaginn.
Arsenal, sem er eitt sterkasta lið deildarinnar, tapaði gegn - það sem þá var - botnliði Birmingham City.
Birmingham hafði ekki unnið deildarleik í meira en ár fyrir leikinn í dag en á einhvern hátt tókst þeim að leggja Arsenal að velli, 2-0. Bæði mörkin komu í fyrri hálfleiknum og tókst Birmingham að landa sigrinum.
Í liði Arsenal var stórstjarnan Vivianne Miedema en hún fann ekki taktinn og það sama má segja um alla aðra leikmenn liðsins.
Arsenal er á toppi deildarinnar en Birmingham er ekki lengur á botninum; þær eru núna í næst neðsta sæti með fjögur stig eftir 11 leiki. Þetta eru einhver ótrúlegustu úrslit í manna minnum í enska kvennaboltanum.
Athugasemdir