Vængmaðurinn Billy Dennehy, markahæsti leikmaður Cork á tímabilinu, flaug ekki til Íslands með írska liðinu eftir að hafa slegist við samherja sinn eftir fyrri leikinn ytra.

Hann lenti í deilum við Mark O'Sullivan, sem er í byrjunarliði Cork, á vellinum eftir fyrri leikinn. Þurfti að aðskilja þá tvo. Dennehy verður rekinn frá Cork í kjölfarið á þessu.

Bróðir Billy, Darren Dennehy, sem einnig leikur með Cork er heldur ekki með í kvöld. Samkvæmt knattspyrnustjóra Cork, John Caulfield, er það vegna nárameiðsla.