| lau 09. október 2021 21:35 |
|
Rivaldo: Salah einn sá allra besti
Salah er gríðarlega heitur fyrir framan markið þessa stundina en hann er fljótasti leikmaður í sögu Liverpool til að ná 100 mörkum fyrir félagið.
Ballon d‘Or verðlaunin verða afhent í lok árs og telur Rivaldo að Salah verði að koma til greina sem sigurvegari.
„Hann er einn besti leikmaður heims í dag vegna tölfræðinnar sem hann nær í ensku úrvalsdeildinni og Meistaradeildinni,“ sagði Rivaldo.
„Þegar þú ert í þessari stöðu þá ertu auðvitað toppleikmaður sem á skilið að koma til greina í Ballon d‘Or valinu.“
Salah kom til Liverpool frá Roma árið 2017 og kostaði þá 38 milljónir evra.
Salah er á meðal 30 leikmanna sem koma til greina í valinu í Ballon d‘Or en þrír aðrir leikmenn í úrvalsdeildinni eru á lista.
Athugasemdir
Nýjustu fréttirnar
12:00
07:00
