Þórður Jensson, þjálfari FH
Þórður Jensson, þjálfari FH var ekki sáttur eftir 3-0 tap gegn Fylki í dag. Honum fannst sínar stelpur ekki lakari aðilinn, þá sérstaklega í fyrri hálfleik.
Lestu um leikinn: Fylkir 3 - 0 FH
,,Ég er svekktur, mér fannst við ekkert lakara lið, sérstaklega í fyrri hálfleiknum. Þetta voru skítamörk sem við vorum að fá á okkur."
Hann hefur ekki sérstakar áhyggjur á að liðið sé að fá mörg mörk á sig.
,,Þetta eru bara stigin sem telja. Mörkin eru pirrandi, en við verðum bara að vera með fleiri stig en liðin fyrir neðan."
Þórður sér mikið jákvætt við leikinn í dag þrátt fyrir tapið.
,,Ég sé fullt af jákvæðum hlutum, ungar stelpur, mjög mikil barátta. Það er gott að sjá þessar stelpur koma og setja soldið línuna."
,,Það verður gott að komast til Eyja, það er gaman að fara til Eyja, fá smá ferðalag."
