Miguel Almiron má spila gegn Man Utd

„Þetta er erfið staða fyrir leikmanninn því það vilja allir spila fyrir þjóð sína. Það er búið að draga leikmenn í þessa stöðu. En sem betur fer getur hann spilað á morgun og við erum feikilega ánægðir með það," segir Steve Bruce, stjóri Newcastle.

Sóknarmaðurinn Callum Wilson verður hinsvegar ekki með á morgun en hann er meiddur á læri. Bruce vill ekki segja til um hversu lengi hann verður á meiðslalistanum. Þá er Ryan Fraser líka fjarri góðu gamni eftir að hafa snúið sig á ökkla.

Newcastle heimsækir Old Trafford á morgun í leik sem hefst klukkan 14. Allra augu munu beinast að endurkomu Cristiano Ronaldo en Bruce segist vonast til þess að geta eyðilagt partíið.