AB Kaupmannahöfn er dottið úr leik í danska bikarnum eftir óvænt tap gegn Holbæk í dag.

AB leikur í þriðju efstu deild danska boltans og er þar í toppbaráttu á meðan Holbæk leikur deild fyrir neðan.

Þrátt fyrir gæðamun liðanna tókst Holbæk að taka forystuna snemma í síðari hálfleik. Þeir misstu svo mann af velli á 80. mínútu en tókst að innsigla sigurinn skömmu síðar þrátt fyrir að vera einum færri.

Lokatölur urðu 2-0 fyrir Holbæk.

Ágúst Eðvald Hlynsson var í byrjunarliði AB, sem leikur undir stjórn Jóhannesar Karls Guðjónssonar.