Arsenal er reiðubúið til að borga meira en 42 milljónir punda fyrir Sergej Milinkovic-Savic, 27 ára miðjumann Lazio og serbneska landsliðsins. Newcastle og Man Utd hafa einnig áhuga. (Corriere dello Sport)
Paul Pogba, 29, er ekki búinn að skrifa undir samning við Juventus. Hann ætlar að ganga í raðir PSG ef Zinedine Zidane verður ráðinn í þjálfarastöðuna þar. (RMC Sport)
PSG er að gera allt í sínu valdi til að sannfæra Zidane, 49, um að taka við af Mauricio Pochettino. (ESPN)
Sevilla staðfestir að Jules Kounde, 23 ára miðvörður, vilji yfirgefa félagið í sumar. Chelsea er talinn líklegasti áfangastaðurinn. (Sport Witness)
AC Milan hefur bæst við kapphlaupið um brasilíska framherjann Gabriel Jesus, 25. (90min)
Arsenal er að fara að kynna nýjan leikmann, brasilískan framherja sem heitir Marquinhos. Marquinhos er 19 ára gamall og skrifar undir fimm ára samning við félagið. (Guardian)
Þá er Arsenal að íhuga að kaupa Raphinha, 25, frá Leeds. Raphinha hefur verið orðaður við öll bestu lið enska boltans auk Barcelona. (Telegraph)
Eddie Nketiah, 23, verður samningslaus eftir þrjár vikur og vinnur Arsenal hörðum höndum að því að semja við hann fyrir það. (Evening Standard)
Liverpool á eftir að komast að samkomulagi við Benfica um kaupverð á hinum 22 ára gamla Darwin Nunez. Framherjinn sjálfur er búinn að segja vinum sínum og fjölskyldu að hann ætli til Liverpool. (Liverpool Echo)
Samband Todd Boehly við Roc Nation Sports umboðsskrifstofuna gæti verið lykillinn að framtíð Romelu Lukaku, 29, sem vill fara til Inter. (Telegraph)
Inter er ekki búið að setja sig í beint samband við Chelsea varðandi félagaskipti Lukaku. (Fabrizio Romano)
Milan er að draga sig úr kapphlaupinu um Sven Botman, 22 ára miðvörð Lille, eftir að Newcastle hækkaði tilboð sitt í hann. (Sky Sport Italia)
Kalidou Koulibaly, 30, vill skipta um félag. Barcelona hefur áhuga en miðvörðurinn öflugi á eitt ár eftir af samningi sínum við Napoli. (Sport)
Brentford er búið að setja sig í samband við Bologna varðandi skoska bakvörðinn Aaron Hickey, 20. Hann er eftirsóttur af félögum á borð við Napoli, Arsenal, Newcastle og Aston Villa. (Daily Mail)
Hellas Verona ætlar að nýta kaupréttinn á sóknarmanninum Giovanni Simeone, 26, sem var hjá félaginu að láni á síðustu leiktíð og raðaði inn mörkunum í Serie A. Verona vill selja Simeone strax aftur þar sem West Ham og Arsenal vilja kaupa. (AS)
Miðjumaðurinn Joao Palhinha, 26, er efstur á óskalista Wolves en Fulham hefur einnig áhuga. (Daily Mail)
Nottingham Forest nýliðar í úrvalsdeildinni vilja krækja í Ainsley Maitland-Niles, 24 ára miðjumann Arsenal sem var að láni hjá Roma í vor. (Mirror)
Tottenham hefur náð samkomulagi við Middlesbrough um kaup á hægri bakverðinum Djed Spence, 21. Tottenham mun borga um 20 milljónir punda fyrir. (Guardian)
Rangers vill 25 milljónir punda til að selja nígeríska varnarmanninn Calvin Bassey, 22. (Birmingham Mail)
Fulham er að nálgast samkomulag við Lazio um kaup á albanska markverðinum Thomas Strakosha, 27. (90min)
Umboðsmaður Miguel Almiron, 28, býst ekki við að miðjumaðurinn yfirgefi Newcastle í sumar þrátt fyrir mikla endurnýjun í leikmannahópnum. (Chronicle Live)
Liverpool er komið í samningsviðræður við Naby Keita, 27. (Football Insider)
Manchester United var að bjóða Martin Svidersky endurbættan samning en þessi 19 ára miðjumaður ætlar að fara frítt í sumar. (Evening Standard)
