Leandro Bonucci

Mynd: Getty Images

Það var mikil dramatík í lokin en Leandro Bonucci jafnaði metin í 2-2 í uppbótartíma en hann fylgdi eftir vítaspyrnu sem hann lét verja frá sér.

Hann var síðan aftur í sviðsljósinu þegar Arkadiusz Milik skoraði stuttu síðar og hélt að hann hafi komið Juventus yfir en markið var dæmt af þar sem dómarinn taldi Bonucci hafa haft áhrif á markmanninn þegar hann stóð í rangstöðu.

Bonucci vildi þó meina að Antonio Candreva hafi gert hann réttstæðan.

„Ég vona að dómararnir hafi skoðað hvort hann hafi gert mig réttstæðan en við munum sennilega aldrei fá að vita það. Þrátt fyrir það hafði ég ekki áhrif á leikinn," sagði Bonucci.

Mynd af atvikinu má sjá hér fyrir neðan en Candreva er hér neðst í mynd.