Samningur Guðmundar Þórarinssonar við IFK Norrköping rann út um áramótin, hann er nú að skoða næstu skref á ferlinum.
IFK Norrköping birti grein á heimasíðu sinni í gær þar sem Guðmundi er þakkað fyrir sitt framlag, hann lék með sænska félaginu frá árinu 2017.
Í grein félagsins segir: „IFK Norrköping þakkar Guðmundi fyrir sitt framlag bæði innan og utan vallar og óskar honum velfarnaðar í framtíðinni."
Hjá Norrköping lék Selfyssingurinn alls 98 leiki.
Um tíma var Guðmundur talinn vera á leið til Levski Sofia í Búlgaríu en það er nú talið ólíklegt, hann hefur einnig verið orðaður við Djurgarden í Svíþjóð og Heerenveen í Hollandi.
Athugasemdir