Guler lánaður frá Real Madrid á næsta tímabili?

Hann hefur samtals spilað 89 mínútur síðan hann kom af meiðslalistanum, flestar komu gegn Arandina.

Sport segir að hann gæti farið á láni í sumar ef hann sér ekki fram á að fá meiri spiltíma á næsta tímabili. Tottenham og Bayer Leverkusen eru bæði sögð áhugasöm.

Þá er Real sagt hrifið af því að lána hann til AC Milan en forráðamenn félagsins voru ánægðir með þróunina á Brahim Díaz sem kom öflugur til baka frá ítalska félaginu og er farinn að banka á landsliðsdyr Spánar.

Ancelotti hefur verið hreinskilinn við Guler og sagt honum að hann þurfi að vera þolinmóður og bíða eftir sínu tækifæri. Forysta Real Madrid í La Liga er að verða þægileg og gæti Guler fengið fleiri tækifæri þegar Ancelotti er að rúlla á hópnum fyrir Evrópuleiki.