Rui Pinto, forsprakki Football Leaks.
Rui Pinto, forsprakki Football Leaks vefsíðunnar sem lak ýmsum upplýsingum úr fótboltaheiminum til almennings og fjölmiðla, sleppur við fangelsisdóm en dómur yfir honum var kveðinn upp í Portúgal í dag.
Pinto er 34 ára og stofnaði vefsíðuna 2015 en á henni lak hann fjölmörgum upplýsingum. Hann fékk fjögurra ára skilorðsbundinn dóm.
Pinto er 34 ára og stofnaði vefsíðuna 2015 en á henni lak hann fjölmörgum upplýsingum. Hann fékk fjögurra ára skilorðsbundinn dóm.
Hann sagði aðgerðir sínar í þágu almannahagsmuna til að afhjúpa spillingu í fótbolta. Í dómnum segir hinsvegar að frelsið til að upplýsa gæfi ekki rétt til að brjóta friðhelgi einkalífsins.
Til þess að öðlast upplýsingarnar þurfti Pinto, ásamt aðstoðarmönnum sínum, að 'hakka sig inn' á ýmsar síður og vefpóstsreikninga.
Meðal þess sem hann lak út voru samningar Lionel Messi og Neymar, leynilegar viðræður um stofnun Ofurdeildar Evrópu og meint skattsvik nokkurra leikmanna í fremstu röð.
Þá veitti hann þýska blaðinu Der Spiegel upplýsingar sem urðu til þess að fullyrt var að Manchester City hefði með klækjabrögðum komist upp með brot á fjárhagsreglum UEFA.
Athugasemdir
