Stuðningsmenn spænska félagsins Real Valladolid eru orðnir þreyttir á brasilísku goðsögninni Ronaldo sem er eigandi félagsins.
Þeir eru ósáttir með það sem þeir segja vera innantóm loforð frá brasilísku stórstjörnunni, en Valladolid féll úr efstu deild á Spáni í sumar og hefur byrjað nýtt tímabil illa í B-deildinni.
Valladolid er aðeins með fjögur stig eftir fimm umferðir á leiktíðinni og mótmæltu þeir eftir jafntefli gegn Elche um helgina.
„Fimm ár af lygum. Við erum á barmi þess að falla í hyldýpi. Nú er komið nóg!" stóð á stórum borða sem stuðningsmenn höfðu með sér í mótmælin.
Athugasemdir
