Aston Villa 2 - 1 Leeds United
1-0 Leon Bailey ('3)
2-0 Emiliano Buendía ('64)
2-1 Patrick Bamford ('83)
Aston Villa nældi sér í þrjú stig í ensku úrvalsdeildinni eftir gífurlega fjöruga viðureign gegn Leeds United í kvöld. Liðin mættust í fyrsta leik helgarinnar og var leikið á Villa Park.
Leon Bailey tók forystuna fyrir Villa eftir þrjár mínútur og héldu heimamenn forystunni til leikhlés þrátt fyrir ítrekaðar tilraunir Leeds til að jafna. Það var hreint út sagt ótrúlegt að gestunum hafi ekki tekist að koma boltanum í netið og þegar það loks tókst þá var dæmd afar naum rangstaða.
Leeds var með mikla yfirhönd í fyrri hálfleik en tókst ekki að jafna og var síðari hálfleikurinn jafnari en þó áfram galopinn. Emiliano Buendía tvöfaldaði forystu Aston Villa þegar hann fylgdi skoti eftir með skalla af stuttu færi og var gríðarlega tæpur á að vera ekki í rangstöðu. Aðstoðardómarinn lyfti flagginu upp en VAR skarst í leikinn og dæmdi mark.
Leeds jók sóknarþungann í kjölfarið og kom Patrick Bamford meðal annars inn af bekknum. Bamford minnkaði muninn fyrir Leeds á 83. mínútu en nær komust gestirnir ekki og lokatöur 2-1.
Villa er búið að jafna Chelsea á stigum um miðja deild en stórveldið frá London á leik til góða.
Leeds er áfram með 17 stig, tveimur stigum fyrir ofan fallsvæðið.
Áhugaverð tölfræði úr leik kvöldsins er sú að Leeds United fékk 11 hornspyrnur á meðan heimamenn í Villa fengu ekki eina einustu.
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Arsenal | 36 | 26 | 5 | 5 | 88 | 28 | +60 | 83 |
2 | Man City | 35 | 25 | 7 | 3 | 87 | 33 | +54 | 82 |
3 | Liverpool | 36 | 23 | 9 | 4 | 81 | 38 | +43 | 78 |
4 | Aston Villa | 36 | 20 | 7 | 9 | 73 | 53 | +20 | 67 |
5 | Tottenham | 35 | 18 | 6 | 11 | 69 | 58 | +11 | 60 |
6 | Newcastle | 35 | 17 | 5 | 13 | 78 | 56 | +22 | 56 |
7 | Chelsea | 35 | 15 | 9 | 11 | 70 | 59 | +11 | 54 |
8 | Man Utd | 35 | 16 | 6 | 13 | 52 | 55 | -3 | 54 |
9 | West Ham | 36 | 13 | 10 | 13 | 56 | 70 | -14 | 49 |
10 | Bournemouth | 36 | 13 | 9 | 14 | 52 | 63 | -11 | 48 |
11 | Brighton | 35 | 12 | 11 | 12 | 53 | 57 | -4 | 47 |
12 | Wolves | 36 | 13 | 7 | 16 | 49 | 60 | -11 | 46 |
13 | Fulham | 36 | 12 | 8 | 16 | 51 | 55 | -4 | 44 |
14 | Crystal Palace | 36 | 11 | 10 | 15 | 49 | 57 | -8 | 43 |
15 | Everton | 36 | 12 | 9 | 15 | 38 | 49 | -11 | 37 |
16 | Brentford | 36 | 9 | 9 | 18 | 52 | 60 | -8 | 36 |
17 | Nott. Forest | 36 | 8 | 9 | 19 | 45 | 63 | -18 | 29 |
18 | Luton | 36 | 6 | 8 | 22 | 49 | 78 | -29 | 26 |
19 | Burnley | 36 | 5 | 9 | 22 | 39 | 74 | -35 | 24 |
20 | Sheffield Utd | 36 | 3 | 7 | 26 | 35 | 100 | -65 | 16 |