Fótbolti.net

Elmar Kári: Búinn að bíða eftir þessu

Maggi: Sýnir trúna sem við erum með

Vuk: Er kannski nær markinu og með meira sjálfstraust

Jón Þór: Stóru vandamálin liggja ekki þar

Rúnar: Hefur fengið að blómstra í þessu hlutverki

Heimir: Þá fer þetta að verða eins og umræðan var árið 2022

Elmar Atli: Maður var búinn að bíða eftir þessu

Auður: Gaman að ná að vinna Þrótt sem voru taplausar í deildinni

Haddi: Gjörsamlega óþolandi hvað sumir mega öskra inn á völlinn

Óli Kristjáns: Ábyrgðin á mér og stelpunum

„Við komumst út úr þessu það er klárt mál"

Davíð Smári: Skjaldarmerki þess sem Vestri stendur fyrir

Óskar Smári: Ótrúlega stoltur af liðinu mínu í dag

Murielle Tiernan: Eina sem þú þarft að gera er að setja hann inn

Gummi Kri: Er það ekki svoleiðis sem við viljum hafa þetta?

Tufa um rauða spjaldið: Okkur á bekknum fannst hann hlaupa á Bjarna og henda sér niður

Jökull: Hefði viljað sjá okkur vera meira 'ruthless' í byrjun leiks

Alli Jói: Er svekktur með sjálfan mig

Haraldur: Kemur auka orka þegar við missum mann af velli

Gunnar Heiðar: Eins og við þyrftum að fá mark í andlitið til þess að allir kveiki á sér

fim 13. maí 2021 22:37

Stefán Marteinn Ólafsson

Brynjar Björn: Gerðum nóg til að fá stig hérna á venjulegum degi

Brynjar Björn Gunnarsson þjálfari HK.

Mynd: Fótbolti.net - Hafliði Breiðfjörð

HK heimsótti Íslandsmeistara Vals í kvöld á Origo vellinum þegar þriðja umferð Pepsi Max-deildar karla hélt áfram göngu sinni.

HK spilaði virkilega vel í leiknum en fékk á sig virkilega súrt mark frá Valsmönnum í uppbótartíma.

„Mjög súrt tap, það er klárt. Það er alltaf súrt að fá á sig mark í lokin og það gerir þetta aðeins súrara en það sem gerir þetta virkilega súrt er að við spiluðum vel og sköpuðum fullt af færum," sagði Brynjar Björn Gunnarsson þjálfari HK eftir leikinn í kvöld.

Lestu um leikinn: Valur 3 - 2 HK

„Ég held að við hefðum átt að fá víti þegar Örvar fer niður í teignum. Áttum mögulega að fá víti þegar Arnþóri er haldið í horni, Pedersen er ekkert að hugsa um boltann. Við áttum að fá aukaspyrnu á undan þriðja markinu og þarna klikkar dómarinn á stóru atvikunum en heilt yfir var hann fínn og með ágætis tök á leiknum."

Þrátt fyrir svekkjandi tap er fullt jákvætt fyrir HK til þess að taka úr þessum leik.

„Já, við spiluðum vel og komum vel gíraðir í leikinn og við féllum kannski á því í síðasta leik gegn Fylki að byrja ekki fyrr en í hálfleik en við byrjuðum núna frá fyrstu mínútu og héldum góðu skipulagi og héldum fókus í 90 mínútur og þú verður að gera það á Valsvellinum og við gerðum nóg myndi ég segja til að fá á venjulegum degi stig hérna á Valsvelli."

Einhverjir hafa haft áhyggjur af framherjamálum HK en Stefán Ljubicic hefur heldur betur stigið upp í síðustu leikjum.

„Já, hann hefur gert það og er í hörku formi og við erum með hann og við erum með Jonna, við erum með Bjarna, við erum með Bidda og Geira mögulega á köntunum og við erum ekki í neinum vandræðum fram á við eða á köntunum."

Nánar er rætt við Brynjar Björn í spilaranum hér fyrir ofan