Þór Akureyri heimsótti Njarðvíkinga suður með sjó á JBÓ vellinum þegar loka leikur áttundu umferðar Lengjudeildarinnar fór fram.
Þórsarar komust yfir í dag en sú forysta lifði þó ekki lengi og það voru heimamenn í Njarðvík sem fóru með öll stigin af vellinum í kvöld.
Lestu um leikinn: Njarðvík 3 - 1 Þór
„Svekkjandi að komast yfir og tapa þessu niður því þeir skora þarna bara strax í næstu sókn sem að er hrikalega pirrandi" sagði Sigurður Heiðar Höskuldsson þjálfari Þórs eftir tapið í dag.
„Eins mikið gott og við erum búnir að gera varnarlega að þá sofnum við þarna strax á verðinum á fjærstönginni og þeir skora. Það var mjög svekkjandi og ég er mjög svekktur að hafa tapað þessum leik"
Þór komst yfir í jöfnum leik og því gríðarlega vont að fá á sig jöfnunarmark strax í næstu sókn á eftir.
„Í jöfnum leik og bæði lið að fá færi og bara eins og þessi leikur spilaðist, svolítið seinni bolta rugl þessi leikur. Ekkert einhver fallegasti fótboltaleikur en keppni í seinni boltum og mér fannst við líka bara vera orðnir það þreyttir í seinni hálfleik að við réðum illa við seinni boltana seinni part seinni hálfleiks. Þetta var svekkjandi að ná ekki að halda þetta lengur út eftir að skora markið"
„Mér fannst að ef við hefðum náð upp stemningu í kringum það að hafa skorað og haldið hreinu næstu þrjár, fjórar mínútur þá held ég að þetta hefði orðið erfitt fyrir þá"
Nánar er rætt við Sigurð Heiðar Höskuldsson í spilaranum hér fyrir ofan.
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
