Spænska félagið Barcelona hefur mikinn áhuga á að landa Nico Williams, vængmanni Athletic Bilbao, í sumar og virðist Lamine Yamal, leikmaður Börsunga, ýta undir það á Instagram.
Barcelona reyndi að fá Nico síðasta sumar en hafði ekki ráð á honum og fór það svo að hann tók annað tímabil með uppeldisfélaginu.
Nico er 22 ára gamall og fór mikinn með spænska landsliðinu er það vann Evrópumótið á síðasta ári.
Hann og Yamal skildu andstæðinga sína eftir í rykinu, en þeir deila sérstöku vinasambandi. Yamal birti mynd af sér og Nico á Instagram í gær í kjölfar frétta um að Barcelona væri búið að funda með umboðsmanni Nico og ýtir hann þar sterklega undir að vinirnir muni sameinast á ný.
Arsenal og Bayern München eru einnig með hann efstan á óskalistanum, en samkvæmt spænsku miðlunum er leikmaðurinn mest spenntur fyrir því að fara til Barcelona.
Nico er með 62 milljóna evra riftunarákvæði í samningi sínum, sem Barcelona er sagt reiðubúið að virkja.
???? After meeting with Bayern twice, Nico Williams met with Barcelona today as @Sport reported…
— Fabrizio Romano (@FabrizioRomano) June 13, 2025
…and Lamine Yamal has just shared this picture on his Instagram account. ?? pic.twitter.com/VM82JHmvuF
Athugasemdir
