Logi Ólafsson.
Logi Ólafsson, þjálfari Víkinga, er að sjálfsögðu hæstánægður með að hans menn hafi náð að tengja saman þrjá sigurleiki í Pepsi-deildinni.
Lestu um leikinn: Víkingur R. 1 - 0 Keflavík
„Keflavík er með gott fótboltalið þó það sé í þessari stöðu. Það er ekki auðvelt að spila á móti þeim," sagði Logi eftir sigurinn gegn Keflavík í kvöld.
„Það er mjög gott (að ná þremur sigrum í röð) og það sýnir sig hvað er stutt á milli. Við höfum aðeins slitið okkur frá því sem er að gerast fyrir neðan, í bili allavega."
Davíð Örn Atlason, leikmaður Víkings, fékk rauða spjaldið í uppbótartíma.
„Það er bara afleitt (að missa hann í bann), óskynsamlegt af honum að gera þetta. Þó maður sé pirraður þá verður maður að átta sig á því hver viðurlögin eru við þessu."
Kári Árnason meiddist á æfingu í gær og gat því ekki spilað sinn fyrsta leik fyrir Víkinga í kvöld.
„Kári meiddist lítillega æfingu í gær. Þetta er smávægileg tognun," segir Logi sem vonast eftir því Kári verði klár í bikarleikinn gegn Víkingi Ólafsvík í 8-liða úrslitum sem verður á miðvikudaginn.
Athugasemdir
