Dagný Brynjarsdóttir og sonur hennar.
Það mynduðust falleg augnablik á Akademíuleikvanginum í Manchester eftir leik Íslands og Belgíu síðasta sunnudag.
Þetta var fyrsti leikur Íslands á EM í sumar og endaði hann með 1-1 jafntefli.
Þetta var fyrsti leikur Íslands á EM í sumar og endaði hann með 1-1 jafntefli.
Lestu um leikinn: Belgía 1 - 1 Ísland
Það eru fimm mæður í okkar liði, en það er ekkert annað lið með eins margar mæður í sínum hóp á EM í sumar. Þær eru miklar fyrirmyndir fyrir aðrar fótboltakonur á hæsta stigi leiksins.
Mæðurnar í hópi okkar liðs eru Dagný Brynjarsdóttir, Elísa Viðarsdóttir, Sandra Sigurðardóttir, Sara Björk Gunnarsdóttir og Sif Atladóttir. Fjórar þeirra hafa gengið í gegnum fæðingu og komið til baka eftir það.
„Þetta sýnir að það er vel hægt að spila á háu stigi eftir að hafa gengið í gegnum svona. Þó ég hafi ekki upplifað fæðingu sjálf í eigin líkama þá er hlutverkið stórt og allt sem fylgir því," sagði Sandra, markvörður liðsins, við Fótbolta.net á dögunum. Hlutverkið er stórt og mikilvægt.
Það var skemmtilegt eftir leikinn gegn Belgíu þegar börn leikmanna fengu að koma inn á völlinn og upplifa mjög skemmtilega stund með mæðrum sínum. Þetta eru minningar sem munu eflaust seint gleymast fyrir stelpurnar okkar; að fá að knúsa börn sín inn á vellinum eftir að hafa spilað fyrir hönd þjóðar sinnar á einhverju stærsta sviði fótboltans - sjálfu Evrópumótinu.
Hafliði Breiðfjörð og Jónína Guðbjörg Guðbjartsdóttir fönguðu augnablikið eins og sjá má á meðfylgjandi myndum.
Athugasemdir
