Hugo Lloris, markvörður Tottenham Hotspur, er í úrvalsdeildarhópi liðsins fyrir komandi tímabil.
Lloris er búinn að missa markvarðarstöðuna til Guglielmo Vicario en Frakkinn sagði fyrr í sumar að hann væri opinn fyrir nýju ævintýri í öðru landi.
Markvörðurinn meiddist í apríl og missti af lokahluta tímabilsins en það er alveg ljóst að hann fær fá tækifæri á þessari leiktíð. Vicario hefur tekist að negla markvarðarstöðuna í vel spilandi liði Tottenham.
Lloris, sem er 36 ára gamall, var orðaður við bæði Newcastle og Nice í sumar, en ekkert varð af skiptunum. Frakkinn verður því að minnsta kosti áfram fram í janúar en hann er skráður í úrvalsdeildarhópinn hjá Tottenham eins og Eric Dier, sem á einnig eftir að spila leik á þessu tímabili.
Athugasemdir
