Enska knattspyrnusambandið býst við því að kollegar sínir frá Írlandi muni hafa samband á næstunni.
Írska knattspyrnusambandið er búið að setja Lee Carsley efstan á sinn óskalista fyrir þjálfarastarfið hjá A-landsliðinu.
Stephen Kenny mun ekki fá nýjan samning frá írska knattspyrnusambandinu eftir erfiða undankeppni en það er umræða um það á Írlandi núna hvort að það eigi að reka Kenny núna eða leyfa honum að klára undankeppnina.
Carsley er efstur á óskalista írska sambandsins. Carsley er fyrrum miðjumaður Everton og lék á sínum tíma 40 landsleiki fyrir Írland. Í sumar stýrði hann enska U21 landsliðinu til sigurs á Evrópumótinu.
Damien Duff, fyrrum leikmaður Chelsea, og Kieran McKenna, stjóri Ipswich, eru einnig orðaðir við starfið hjá Írlandi.
Athugasemdir
