Heimild: Vísir
Þorgrímur er hluti af starfsliði íslenska karlalandsliðsins. Myndin er tekin eftir sigurinn gegn Rúmeníu.
„Ég er sökudólgurinn," segir Þorgrímur Þráinsson í samtali við Vísi. Hann sé stálsleginn, finni ekki fyrir neinum einkennum en undirstrikar að það sé ekkert feimnismál að hann sé smitaður.
Allt starfslið íslenska landsliðsins er komið í sóttkví en leikið verður gegn Belgíu í Þjóðadeildinni á morgun.
Allt starfslið íslenska landsliðsins er komið í sóttkví en leikið verður gegn Belgíu í Þjóðadeildinni á morgun.
„Ég er bara feginn að þetta sé ég en ekki einhver annar." segir Þorgrímur við Kolbein Tuma Daðason hjá Vísi en hann segist ekki hafa orðið veikur í marga mánuði og betur til þess fallinn að glíma við sjúkdóminn en margur.
„Það eru endalausir snertifletir, við vorum ekki einir á hótelinu," segir Þorgrímur. Allir hafi gætt fyllsta öryggis en þó fengið leyfi til að fara út í göngutúr, hjóla eða í bíltúr.
Miðað við yfirlýsingu KSÍ virðist landsliðshópurinn sleppa við að fara í sóttkví og allt bendir til þess að leikurinn gegn Belgíu fari fram.
Ekki hefur verið gefið út hverjir verða í nýju starfsliði Íslands í leiknum á morgun en Eiður Smári Guðjohnsen þykir líklegur.
Athugasemdir
