Þýskaland: Dýrmætur sigur hjá St. Pauli

St. Pauli vann dýrmætan sigur á Hoffenheim í þýsku deildinni í kvöld.

Eina mark leiksins kom snemma í seinni hálfleik eftir vandræðagang í öftustu línu hjá Hoffenheim.

St. Pauli pressaði vel og leikmenn Hoffenheim áttu erfitt með að spila boltanum úr vörninni. St. Pauli vann boltann við vítateiginn og Philipp Treu sendi boltann á Noah Weisshaupt sem skoraði á opið markið.

St. Pauli er í 15. sæti með 25 stig, fimm stigum frá fallsæti eftir sigurinn. Hoffenheim er í 13. sæti með 26 stig.