Fyrstu fjórum leikjum dagsins í 2. deild karla er lokið en Haukar, Njarðvík og Völsungur eru öll áfram með fullt hús stiga.
Völsungur lagði Reyni Sandgerði 3-1. Santiago Feuillassier Abalo kom liðinu yfir undir lok fyrri hálfleiks áður en lánsmaðurinn, Áki Sölvason, bætti við öðru í upphafi síðari hálfleiks. Magnús Magnússon minnkaði muninn fyrir Reyni áður en Bjarki Baldvinsson gerði út um leikinn undir lokin.
Haukar unnu KFA, 1-0. Alexander Freyr Sindrason gerði eina mark leiksins á 7. mínútu.
Njarðvík átti þá ekki í miklum vandræðum með Magna er liðin áttust við Rafholtsvellinum en þeim leik lauk með 5-0 sigri heimamanna þar sem Oumar Diouck gerði tvö mörk.
Haukar, Njarðvík og Völsungur eru öll með fullt hús stiga eftir fyrstu tvo leikina en Magni, Reynir og Höttur/Huginn eru án stiga.
Úrslit og markaskorarar:
Höttur/Huginn 0 - 2 Þróttur R.
0-1 Sam Hewson ('77, víti
0-2 Stefán Þórður Stefánsson ('90 )
Völsungur 3 - 1 Reynir S.
1-0 Santiago Feuillassier Abalo ('37 )
2-0 Áki Sölvason ('54 )
2-1 Magnús Magnússon ('82 )
3-1 Bjarki Baldvinsson ('90 )
Haukar 1 - 0 KFA
1-0 Alexander Freyr Sindrason ('7 )
Njarðvík 5 - 0 Magni
1-0 Magnús Þórir Matthíasson ('23, víti )
2-0 Oumar Diouck ('36 )
3-0 Úlfur Ágúst Björnsson ('47 )
4-0 Bergþór Ingi Smárason ('49 )
5-0 Oumar Diouck ('59 )
Athugasemdir