Pólska blaðið Przeglad Sportowy Onet hefur greint frá því að pólski framherjinn Robert Lewandowski verði ekki áfram hjá Barcelona á næsta tímabili. Hann er sagður á leið til Al Hilal í Sádi-Arabíu.
Lewandowski, sem er 38 ára gamall, er að renna út á samningi hjá Barcelona.
Hansi Flick, þjálfari Börsunga, var spurður út í framtíð Lewandowski og Marcus Rashford á dögunum, en sagði félagið ekki ætla að skoða þessi mál fyrr en eftir tímabilið.
Przeglad Sportowy Onte fullyrðir að Lewandowski sé á förum og hann muni ganga í raðir Al Hilal í Sádi-Arabíu.
Samkvæmt miðlinum er Al Nassr hafi einnig áhuga á Lewandowski, en hann mun þéna í kringum 90 milljónir evra í árslaun.
Þá kemur fram að Barcelona hafi boðið Lewandowski nýjan samning, en á verri kjörum en áður. Hann hafi einnig hafnað tilboðum frá Chicago Fire og Juventus.
