Paquetá gefur í skyn að þetta sé hans síðasta tímabil

Stórveldið Manchester City var einnig sagt vera áhugasamt en Paquetá varð að lokum eftir hjá West Ham. Hann reyndi ekki að neyða félagið til að selja sig og fagnaði marki sínu dátt í sigri gegn Nottingham Forest 31. ágúst, skömmu fyrir gluggalok.

Paquetá er 28 ára gamall og á tvö ár eftir af samningi sínum við West Ham. Hann virðist ekki vera tilbúinn til að skrifa undir nýjan samning og verður mögulega seldur næsta sumar.

„Þetta snýst um að velja fólkið sem bauð þig velkominn, dæmdi þig aldrei og hafði trú á þér alla leið. Fólkið sem elskaði þig og lét þig líða eins og þú værir heima hjá þér," skrifaði Paquetá á samfélagsmiðla. Hann er meðal annars að tala um stuðninginn sem West Ham sýndi honum í máll gegn enska fótboltasambandinu.

TENGT EFNI31.07.25 - 14:36

Lucas Paqueta sýknaður (Staðfest)

„Þetta snýst um að sýna tryggð ekki bara þegar gengur vel, heldur líka þegar gengur illa. Það er ekki kominn tími til að kveðja! Við höldum áfram saman í eitt tímabil í viðbót!"

Paquetá er búinn að skora 3 mörk í 5 leikjum það sem af er tímabils.