Pikul framlengir
Þróttur Vogum, sem rétt missti af sæti í Lengjudeildinni í haust, hefur náð samkomulagi við þrjá af lykilmönnum liðsins um áframhaldandi samning.
Jón Jökull Hjaltason, 24 ára, skrifaði undir samning og verður áfram í Vogunum. Jón Jökull þekkir vel til í Vogum því hann hann er að fara inn í sitt fjórða ár með félaginu. Jón Jökull er frá Eyjum og hefur einnig spilað fyrir Þór Akureyri á sínum ferli. Jón ólst að hluta upp í Danmörku og fór þar í gegnum unglingstarf danska úrvalsdeildarliðsins AGF Aarhus.
Varnarmaðurinn Kostyantyn Pikul, 30 ára, hefur samið um að leika áfram með Þrótti Vogum til næstu tveggja ára. Pikul er Úkraínumaður sem kom til landsins sumarið 2022 eftir að hafa spilað allan sinn feril í heimalandinu. Hann spilaði í tvö ár fyrir Þrótt R, áður en hann kom í Vogana fyrir tímabilið 2024.
Mirza Hasecic hefur samið um að leika áfram fyrir Voga. Mirza, 28 ára, kom til Þróttar fyrir sumarið 2023 og er að fara taka sitt fjórða sumar í Vogunum. Mirza hefur spilað fyrir Sindra og Grindavík á hans ferli. Mirza meiddist á síðasta undirbúningstímabili og er að koma til baka eftir meiðsli.
Mirza áfram í Vogum.
Jón Jökull áfram.
Athugasemdir
