Enska félagið Fulham hefur keypt varnarmanninn Þorstein Aron Antonsson í sínar raðir frá Selfossi.
Hinn 16 ára gamli Þorsteinn skrifaði undir þriggja ára samning hjá Fulham.
Hinn 16 ára gamli Þorsteinn skrifaði undir þriggja ára samning hjá Fulham.
Þorsteinn Aron spilaði með Selfossi í 2. deildinni í sumar og var fastamaður í liðinu þrátt fyrir ungan aldur.
„Þorsteinn steig sín fyrstu skref í meistaraflokk í sumar og spilaði 17 leiki í deild og bikar. Hann stóð sig með eindæmum vel og vakti áhuga í Englandi. Þorsteinn er fluttur til London en hann mun æfa og spila með u-18 liði félagsins til að byrja með," segir á Facebook síðu Selfyssinga.
„Við þökkum Þorsteini fyrir sumarið á Selfossi og óskum honum alls hins besta í Englandi og í framtíðinni. Þetta er mikil viðurkenning fyrir bæði leikmanninn og félagið."
Athugasemdir