Klimala í leik með U20 landsliði Póllands.
Celtic er búið að klófesta pólska sóknarmanninn Patryk Klimala sem er kominn með 7 mörk í 17 leikjum fyrir Jagiellonia á leiktíðinni.
Klimala er 21 árs gamall sóknarmaður og er liðsfélagi Böðvars Böðvarssonar hjá Jagiellonia sem leikur í efstu deild í Póllandi.
Celtic kynnti Klimala til leiks í gær og verður hann afhjúpaður fyrir stuðningsmönnum síðar í dag á Celtic Park.
Celtic hefur verið langbesta liðið í Skotlandi undanfarin ár en erkifjendurnir í Rangers hafa verið að koma sterkir til baka eftir gjaldþrot og verða næstu ár spennandi í skosku titilbaráttunni.
Athugasemdir
