Bandaríkjamaðurinn Antonee Robinson.
Vinstri bakvarðarstaðan hjá Liverpool hefur verið talsvert til umræðu og segir sparkspekingurinn Clinton Morrison að kominn sé tími á endurnýjun þar.
„Ég er hrifinn af Andy Robertson en hann var í erfiðleikum gegn Anthony Elanga í gær. Þá voru spyrnurnar hans ekki nægilega góðar. Kostas Tsimikas gerði betur eftir að hann kom inná," segir Morrison.
„Ég held að Tsimikas sé þó ekki að fara að gera tilkall í byrjunarliðssæti hjá Liverpool sem ætlar að vinna ensku úrvalsdeildina og Meistaradeildina."
„Antonee Robinson hjá Fulham er leikmaður sem Liverpool ætti að horfa til. Bournemouth er með vinstri bakvörð í Milos Kerkez sem mér finnst framúrskarandi. Ef ég væri að stýra Liverpool væru þetta þeir tveir sem ég væri með augastað á."
Milos Kerkez.
Athugasemdir
