KR er búið að staðfesta samninga við tvo uppalda leikmenn sem eiga leiki að baki fyrir unglingalandslið Íslands í karla- og kvennaflokki.
Sigurður Breki Kárason gerir þriggja ára samning við KR en hann hefur staðið sig vel á æfingum með meistaraflokki í vetur. Hann er mikið efni og á þrjá leiki að baki fyrir U15 ára landslið Íslands.
Sigurður er fæddur 2009 og því á 16. aldursári alveg eins og Matthildur Eygló Þórarinsdóttir.
Matthildur er bráðefnilegur markvörður með tvo leiki að baki fyrir U15 landsliðið en hún er einnig frábær í körfubolta og á leiki að baki fyrir yngri landsliðin þar.
Athugasemdir
