Kólumbíski markvörðurinn David Ospina er snúinn aftur til baka til Atlético Nacional í heimalandinu eftir 16 ára fjarveru.
Ospina er 35 ára gamall og er aðeins nýlega búinn að missa byrjunarliðssætið sitt á milli stanga kólumbíska landsliðsins.
Hann hefur verið aðalmarkvörður Al-Nassr í Sádi-Arabíu síðustu tvö ár en þar áður var hann á mála hjá Nice, Arsenal og Napoli.
Ospina ólst upp hjá Atlético Nacional og spilaði yfir 100 leiki fyrir félagið frá 2005 til 2008, áður en hann var fenginn yfir í franska boltann fyrir 2 milljónir evra.
Ospina mun því að öllum líkindum enda ferilinn hjá uppeldisfélaginu sínu, sem endaði í þriðja sæti kólumbísku deildarinnar á síðustu leiktíð.
“El buen hijo vuelve a casa” ????????????#VOLVEREMOS#VamosNacional???????? pic.twitter.com/5oa0HpI0BB
— Atlético Nacional (@nacionaloficial) June 15, 2024
Athugasemdir