Almarr viðurkennir að hann hefði getað fengið rautt spjald í leiknum
„Það er alltaf gaman að vinna fótboltaleiki og sértstakaklega þessa nágrannaslagi þannig að ég er hæst ánægður.“ Sagði Almarr Ormarsson eftir 1-0 sigur á nágrönnunum í Þór í dag.
Lestu um leikinn: KA 1 - 0 Þór
„Það var harka í þessu og menn voru að láta finna fyrir sér. Kannski ekkert alltaf besti fótbolti í heimi. Þetta var svona týpískur KA - Þór leikur.“
„Mér fannst við sækja aðeins meira og aðeins betur. Þeir voru meira í því að dæla boltanum. Við voru aðeins rólegri á boltann. Við skoruðum markið sem skipti máli.“
Almarr Ormarsson fékk gult spjald fyrir að taka Jónas Björgvin niður. Ekki voru allir sáttir og vildu margir Þórsarar sjá rautt spjald. Aðspurður um atvikið sagði Almarr:
„Mér finnst hann brjóta á mér og ég sparka heimskulega í hann. Ég hefði getað fokið útaf, viðurkenni það alveg. Dómarinn ákvað að gefa mér gult spjald og ég slapp með skrekkinn, ég skal bara viðurkenna það.“
Nánar er rætt við Almarrr í spilaranum fyrir ofan
